COGNATI Regis

COGNATI Regis

genus militiae Persicae. Curtius, l. 3. c. 3. ubi de acie Darii: Proximi ibant, quos Persae Immortales vocant --- Exiguô intervallô, quos Cognatos Regis appellant, decem et quinque milia hominum. Haec vero turba muliebriter propemodum culta, luxu magis, quam decoris armis conspicua erat. Quô elogiô honoris causâ appellati sunt. Vide Brissonium, l. 1. ubi de convivio Cognatorum, quod συγγενικεν ἀριςτον Athenaeus appellat. Qui idem, l. 3. c. 28. πολέα vocari panem tradit, quô soli Cognati vescebantur. Uti l. γάμβριον ςτολὴν nominat, quae iuxta Casaubonum, c. 23. solis Magni regis generis proprie competebat. Fieri tamen potest, ut hi revera Cognati Regis primitus essent et dicerentur; itaque etiam praecipuis honoribus et emolumentis gauderent: Postea vero in eorum nomen et veluti gradum, honoris et virtutis causâ adscisceretur magnus aliorum numerus, qui dicerentur Cognati Regis, non essent. Certe, cum hîc Cognatorum honorariâ appellatione usus esset Curtius, mox subicit: dextra lyevaque Regem ducenti ferme nobilissimi propinquorum comitabantur. Ex quibus etiam fuisse videntur decem illi Legati, quos Cognatorum principes appellat, l. 4. c. 11. num. 1.